Супер-Инфо

Сиз издеген маалыматтар “Супер-Инфодо”! Жаңылыктарга бай гезиттин жаңы – №1115 саны 19-апрель күнү таң эрте сатыкта болот.
#ГезиттиЫсыгындаОкуңуз
#ЖаңыСанда
Асел Кадырбекова: “Бактылуумун, буга абдан көп себептер бар”
Ажырашкан аялды коом кантип өгөйлөйт?
Жолдошбек Жанжигитов, актёр: “Жубайым тыйып турбаса элирип кетем”
Азат Раимбердиев, ырчы: “Орусиянын сынактарынан көңүл калып бараткан эле...”
Алымкадыр Бейшеналиев, министр: “Мен хирургиянын фанатымын”
Сиз сүйгөн лагмандын түрлөрү
Ушул жана башка кызыктардын баарын гезиттин жаңы санынан табасыз!
#СуперИнфонунЖаңыСанында
#АселКадырбекова
#ЖолдошбекЖанжигитов
#АзатРаимбердиев
#АлымкадырБейшеналиев
#Клюквенны

Кыргыздын Үй-бүлө кодексине өзгөртүү киргизүү сунушталууда. Ага ылайык, жарандык абалдын актыларын каттоо органынан (ЗАГС) каттоодон өтпөгөн, тагыраагы, нике күбөлүгү жок түгөйлөргө молдолор нике кыйбашы керек деген талап коюлуп жатат. Учурда коомдук талкууда турган мыйзам долбоору коомчулукту кайдыгер калтырган жок. Колдогондор жана каршылар болуп эки жээкте талкуу кызып жаткан учур. Демилгенин автору болгон Эмгек, социалдык камсыздоо жана миграция министрлиги мыйзамдагы бул өзгөртүү үй-бүлө институтун бекемдейт, мырзалардын жоопкерчилигин күчөтөт, балдардын укугун коргойт деген позицияда.

Бул ырчынын ырлары эл оозунда, угарманы көп. Жаш ырчылар жаңылап ырдап чыгышууда, демек, өмүрү узун ырлары бар. Өзгөчөлүгү – ырларынын сөзүн да, обонун да өзү жазат. “Автор жана ырлары” рубрикабызда Кыргыз Республикасынын Эмгек сиңирген артисти, ырчы Гүлжигит Сатыбековдун чыгармаларынын таржымалына сапар алабыз.

Кооз аралдар, императорлордун ак сарайлары, байыркы архитектуралык турак жайлар, деңиз жээги, керемет жаратылышы менен адамды өзүнө тарткан Вьетнам. Кылымдарды карыткан тарыхы бар бул мамлекетке агылган туристтердин саны жылдан жылга көбөйүп бара жатат. Азиянын дагы бир сырдуу, сыйкырдуу мамлекети Вьетнам жөнүндө сөз кылалы.

Каарманыбыз Раатбек Сатылганов “бул жашоодо акыйкаттык бар экенине ишенбей калдым” деп редакциябызга кайрылды. Айтымында, өкүл атасына алданып, 14 жылдык өмүрү текке кеткен. Калган сөздү өзү улантсын, окурман.

Бул жолу саясаттан четтеп, парламент депутаты, “Ыйман нуру” партиясынын лидери Нуржигит Кадырбековдун бейнесин ачып берүүгө аракет кылдык. Каарманыбыз чоң ата, чоң эненин тарбиясы, студент кезинде Майрам Акаева менен ак бийге түшкөнү, турмуштагы кызыктуу жолу тууралуу айтып берди.

Экранда муздак, текебер, бетке чабар айымдын образын ийине жеткире аткарганы менен, жашоодо тартынчаак, жөнөкөй кыз. Карьерасында бир образга, бир ролго байланып калгысы келген эмес, чынында эле анын кино куржунунда түрдүү жанрдагы тасма-сериалдар көп. Ар биринде актриса өзүн жаңы амплуада көрсөтө алат жана көрсөтүп келет. Макала учурдун популярдуу актрисасы, түштүк кореялык Ким Жи Вон тууралуу болсун.

Учурда бак өстүрүп мөмөсүн сатуу – кирешелүү бизнестердин бири. Алманын, алмуруттун, өрүктүн жана гиластын жакшы сакталуучу, рынокто суроо-талап жогору сорттору тууралуу маалымат берели дедик.

“Адам канча жашка чыкса да апасы үчүн бала бойдон калат экен. “Бишкектен айылга жолго чыктым” дегенден баштап 87 жаштагы апам тынбай телефон чала берет” дейт каарманым. Белгилүү актёр, Кыргыз Республикасынын Эмгек сиңирген артисти Темирлан Сманбеков апасы тууралуу кызыктуу баян куруп берди.

(Башы өткөн сандарда)
Жанаттын мурунку аялын Шоола алыстан бир көргөн, азыр бетме-бет келгенде эмне кыларын билбей калды. Ажар эмнегедир бир көргөндө жагып калган. “Кызык, ушундай аялдан да эркек кетеби?” деп эрксизден ойлонуп кетти. Ажардын көзүнөн эле сабырдуу, акылдуулугу билинип турат. Адатта мындай жолугуулар ыр-чыр менен башталып, жулмалашмайга чейин барып бүтөт эмеспи. Эки аял бирин-бири жөн гана тиктеп турушту. Ажар ызаланып, айта турган сөздөрүнүн баарын айтып алайын деп келген эле.