Консультация эксперта по digital, управлению и личной эффективности — со скидкой 20%. Только до 22 августа. Записаться Ovozli chatlar 2.0: kanallar, millionlab tinglovchilar, yozib olingan chatlar, administratorlar uchun vositalar

Ovozli chatlar 2.0: kanallar, millionlab tinglovchilar, yozib olingan chatlar, administratorlar uchun vositalar

Asl eʼlonni ingliz tilida oʻqish
Ovozli chatlar 2.0: kanallar, millionlab tinglovchilar, yozib olingan chatlar, administratorlar uchun vositalar

Ovozli chatlar birinchi marta dekabrda paydo boʻlgan edi va ular guruhlarda jonli muloqot qilish uchun yangi maydonchaga aylandi. Bugundan boshlab ovozli chatlarni kanallarda ham yaratish mumkin, ishtirokchilar soni esa ortiq cheklanmaydi.

Bundan tashqari, ushbu yangilanishda ovozli chatlarni yozib olish, ishtirokchilar roʻyxatida batafsil axborot, tinglovchilar gapirishi uchun qoʻl koʻtarish funksiyasi, gapiruvchilar va tinglovchilar uchun taklif havolalari, ovozli chatlar nomlari hamda jamoat arboblari uchun ovozli chatlarga kanallari nomidan qoʻshilish usuli taqdim etilmoqda.

Cheklanmagan ovozli chatlar

Kanallar administratorlari va ommaviy guruhlar endi millionlab jonli tinglovchilar uchun mezbonlik qilishi mumkin. Suhbatlaringiz qanchalik mashhur boʻlishidan qatʼi nazar yangi odamlar unga qoʻshilishi mumkin. Bu radiostansiyalar texnologiyalarning yangi darajasiga chiqishiga oʻxshaydi.

Ovozli chatni boshlash uchun siz administratori boʻlgan istalgan guruh yoki kanal profilini oching, (⋮) yoki (⋯) belgisini bosing va Ovozli chatni boshlash bandini tanlang.

Yozib olingan chatlar

Telegramda qaysi maʼlumotlarni izsiz oʻchirib tashlash, qaysilarini saqlash va foydalanishni faqat siz hal qilasiz. Ovozli chat administratorlari endi audioni yozib olishi va muhokamani oʻtkazib yuborgan kuzatuvchilar uchun uni post qilishi mumkin.

Yozib olishni tugatgach, audiofayl Saqlangan xabarlaringizga darhol keladi. Agar chat yozib olinayotgan boʻlsa, bu haqida barcha bilishi uchun ovozli chat nomi yonida qizil chiroq bilan belgilanadi.

Qoʻl koʻtarish

Agar barcha ishtirokchilarga ham mikrofon ruxsat berilmagan boʻlsa, istalgan tinglovchi administratorlardan unga soʻz berilishini soʻrash uchun qoʻl koʻtarishi mumkin.

Administratorlarga kimga soʻz berishni tanlash oson boʻlishi uchun endi ishtirokchilar roʻyxatida tarjimai hol matni ham chiqadi. U yerda professional malakalar, qiziqishlaringizni kiritishingiz yoki shunchaki oʻzingiz haqingizda bir nechta soʻz yozishingiz mumkin.

Gapiruvchilar va tinglovchilar havolalari

Ommaviy guruh va kanallar administratorlari endi bevosita ovozli chatni ochadigan taklif havolalarini yaratishi mumkin. Gapiruvchilar va tinglovchilar uchun alohida taklif havolalarini yaratish mumkin. Bu yoʻl bilan gapiruvchilar qoʻshilganida ular mikrofonini yoqishingiz shart emas hamda tinglovchilar uchun alohida havolani qiziqtiruvchi auditoriyali hamjamiyat va kanallarda tarqatish mumkin.

Yangi ishtirokchilarga muhokama mavzusini bildirish uchun ovozli chat uchun nom ham tanlashingiz mumkin.

Kanal nomidan qatnashish

Ovozli chatga nafaqat oʻz nomingizdan, balki kanallaringizdan biri nomidan qoʻshilishingiz mumkin – shu usul bilan jamoat arboblari va taniqli shaxslar shaxsiy hisobiga istalmagan diqqat qaratilishining oldini olishi mumkin.

Ovozli chatga kanal sifatida qoʻshilish

Masalan, Braziliya va Turkiya prezidentlari Pavel Durov kanalida muhokamada qatnashishi va shaxsiy hisoblariga juda koʻp xabar kelishidan xavfsiramasdan u yerda foydalanuvchilar bergan savollarga javob berishi mumkin.

Va boshqa yangilanishlar

Agar xabarlarni uzatishda bexosdan notoʻgʻri chatni tanlasangiz, uzatishni bekor qilish yoki boshqa chatni tanlash uchun ularni yuborishdan oldin X tugmasini bosing.

Boshqa chatni tanlash yoki uzatishni bekor qilish

Uzun ovozli xabarlarni tinglayotganda ijroni qolgan joyidan davom ettirishingiz mumkin. Bu imkoniyat avval uzun videolar va taronalar uchun mavjud edi va biz hammasiga nisbatan joriy qildik, deb oʻylagan edik, lekin keyin buvimiz ham Telegramda hisob ochdi.

Android foydalanuvchilarimizga bugun yana bitta qoʻshimcha funksiya taqdim etilmoqda. Ular endi chatlar roʻyxatida chapga surish uchun qaysi amal belgilanishini tanlashi mumkin: chatlarni arxivlash, qadash, sukut qilish, oʻchirish yoki oʻqilgan deb belgilash. (iOS qurilmalarida qanday usulda surishingizga qarab ushbu barcha surish amallari har doim mavjud.)

Buguncha shular, keyingi yangilanishlarni kuzatib boring!


2021-yil, 19-mart
Telegram jamoasi