Как стать счастливее и уверенно идти к своим целям? Все ответы — в книге «Сам себе государство. Как совершить революцию в жизни». Купить Аўтавыдаленне, віджэты і часовыя запрашальныя спасылкі

Аўтавыдаленне, віджэты і часовыя запрашальныя спасылкі

Чытаць арыгінальнае апавяшчэнне па-англійску
Auto-Delete, Widgets and Expiring Invite Links

Гэтае абнаўленне дадае таймер аўтавыдалення для паведамленняў у любым чаце і канале, а таксама наладжвальныя запрашальныя спасылкі і віджэты для зручнейшага і хутчэйшага доступу да вашых чатаў з галоўнага экрана смартфона. І яшчэ адно — суполкі цяпер не маюць абмежаванняў па колькасці ўдзельнікаў.

Аўтаматычнае выдаленне паведамленняў

Не ўсе размовы мусяць заставацца назаўсёды, і менавіта таму карыстальнікі Telegram могуць выдаляць паведамленні для ўсіх бакоў у любым чаце і ў любы час, поўнасцю і бясследна. З 2013 года карыстальнікі таксама могуць задаваць таймер самазнішчэння ў сакрэтных чатах.

Ад сёння можна ўключыць таймер аўтавыдалення ва ўсіх чатах Telegram — і паведамленне знікне ва ўсіх, хто яго атрымліваў: праз 24 гадзіны або 7 дзён пасля адпраўкі.

Аўтаматычнае выдаленне дастасоўваецца да паведамленняў адпраўленых пасля выстаўлення таймера, а ранейшыя паведамленні застануцца ў гісторыі чата. У адрозненне ад сакрэтных чатаў, адлік таймера пачынаецца пасля адпраўкі паведамлення, а не прачытання атрымальнікам.

Каб уключыць таймер на Android, націсніце ⋮ > Ачысціць гісторыю, а потым выберыце час.
На iOS зацісніце і ўтрымлівайце паведамленне, пасля націсніце Выбраць > Ачысціць канал/чат (злева ўверсе) > Уключыць аўтавыдаленне.

Усе паведамленні паказваюць, колькі часу засталося да іх выдалення — проста даткніцеся да паведамлення на Android або зацісніце яго на iOS, каб паглядзець. 🕵️

Часу застаецца

У суполках і каналах налады таймера даступныя толькі кіраўнікам.

Віджэты

Каб імгненна перайсці ў самыя важныя для вас чаты, дадайце віджэт Telegram на галоўны экран вашага смартфона. Віджэт чатаў паказвае перадпрагляд апошніх паведамленняў, а віджэт ярлыкоў паказвае толькі імёны і аватары.

На Android чаты і паведамленні ў віджэце заўсёды будуць абноўленымі, і вы можаце расцягнуць віджэт на любы памер. На iOS віджэты абнаўляюць інфармацыю не пастаянна і не могуць быць расцягнутыя — такія абмежаванні накладае на нас сістэма.

Каб дадаць віджэт, зацісніце і ўтрымлівайце свабоднае месца на вашым экране, потым даткніцеся да кнопкі «Віджэты» на Android або «+» на iOS і знайдзіце ў спісе Telegram.

Часовыя запрашальныя спасылкі

Запрашальныя спасылкі — хуткі і зручны шлях прывесці аднаго або адзін мільён карыстальнікаў у вашы суполкі і каналы. Цяпер, у дадатак да асноўнай спасылкі, уладальнікі і кіраўнікі могуць стварыць дадатковыя спасылкі з абмежаваным часам дзеяння, колькасцю ўваходаў, або з абодвума гэтымі параметрамі адразу.

Любую запрашальную спасылку можна сканвертаваць у скануемы QR-код, які можна размясціць хоць на брашуры, хоць на рэкламных шчытах. Вы таксама можаце дасочваць, колькі карыстальнікаў увайшлі праз гэтую спасылку, каб ведаць, адкуль яны прыходзяць або які фармат стаўся самым эфектыўным для росту вашай аўдыторыі. 🚀

Каб прагледзець экран кіравання запрашальнымі спасылкамі, адкрыйце Налады суполкі або канала > Рэдагаваць > Запрашальныя спасылкі. Націсніце «⋮» або «⋯», каб сканвертаваць спасылку ў QR-код.

Суполкі з неабмежаваннай колькасцю ўдзельнікаў

Суполкі Telegram могуць утрымліваць да 200 000 удзельнікаў, даючы ім свабоду абменьвацца паведамленнямі, файламі і стыкерамі. Суполкі, якія наблізіліся да гэтага абмежавання, цяпер могуць быць пераўтвораны ў суполкі для тансляцый без абмежавання колькасці ўдзельнікаў.

У суполках для трансляцый адпраўляць паведамленні могуць толькі кіраўнікі, але ўдзельнікі могуць далучацца да галасавых чатаў.

Суполкі для трансляцый ідэальна падыходзяць для вялікіх супольнасцей, дзе людзі могуць сачыць за эксклюзіўнымі інтэрв’ю і навінамі або проста крыху пагутарыць.

Палепшаны імпарт чатаў

Нашы распрацоўшчыкі працягваюць паляпшаць функцыю імпарту чатаў, якую мы дадалі ў Telegram у мінулым месяцы. Цяпер імпартаваныя паведамленні будуць мець сваю арыгінальную дату адпраўкі пры ўмовах, што вы імпартуеце іх у чат Telegram дзе не больш за 1000 паведамленняў.

Сартаванне паводле арыгінальнай даты адпраўкі на дадзены момант даступнае для ўсіх чатаў «тэт-а-тэт», усіх новых створаных і меншых існуючых суполак.

Палепшаная сістэма скаргаў

Telegram апрацоўвае мільёны скаргаў кожны месяц, каб не дапусціць распаўсюджванне змесціва, якое парушае правілы. Каб зрабіць скаргі больш эфектыўнымі, мы цяпер будзем прапаноўваць вам выбраць канкрэтныя паведамленні падчас адпраўкі скаргі.

Дадаткова да ўсіх варыянтаў скаргі цяпер можна дадаць каментарый, каб растлумачыць мадэратару кантэкст здарэння, напрыклад, пры скарзе на падстаўны ўліковы запіс.

І новыя анімаваныя эмодзі

Як і заўсёды, абнаўленне прыносіць новыя анімацыі, так што паэксперыментуйце вось з гэтымі персанажамі ніжэй, адпраўляючы адзін эмодзі ў любы чат.

На сёння ўсё, гэтае паведамленне знішчыцца праз 3, 2, 1 … авой! Не звяртайце ўвагі: гэта ж допіс у блогу, яны пакуль яшчэ так не ўмеюць. 😅


23 лютага 2021
Каманда Telegram

Other News

Галасавыя чаты 2.0: каналы, мільёны слухачоў, запіс чатаў, інструменты кіраўніка

Галасавыя чаты ўпершыню з'явіліся ў снежні, што дадало новае вымярэнне для жывых размоў у суполках Telegram. З сённяшняга дня яны даступныя…
Mar 19, 2021

Аўтавыдаленне, віджэты і часовыя запрашальныя спасылкі

Гэтае абнаўленне дадае таймер аўтавыдалення для паведамленняў у любым чаце і канале, а таксама наладжвальныя запрашальныя спасылкі і віджэты…
Feb 23, 2021

Перанос чатаў з іншых месенджараў

Больш чым **100 мільёнаў** новых карыстальнікаў далучыліся да Telegram у гэтым студзені, шукаючы мацнейшай прыватнасці і большай свабоды. Але як быць з паведамленнямі і ўспамінамі…
Jan 28, 2021

Галасавыя чаты, як яны маюць быць

Сёння суполкі Telegram выходзяць на новы ўзровень: галасавыя чаты, працяглыя калектыўныя выклікі, да якіх можна далучыцца – і выйсці – у любы момант. Наша дванаццатае абнаўленне ў…
Dec 23, 2020